پٹنہ: بہار کے وزیراعلیٰ سمراٹ چودھری اور جن سوراج کے بانی پرشانت کشور کی ملاقات کے بعد سیاسی حلقوں میں جاری قیاس آرائیوں پر پرشانت کشور نے طنزیہ بیان دے کر واضح کردیا کہ اس ملاقات سے ان کے سیاسی موقف میں کوئی تبدیلی نہیں آئی ہے۔
دراصل دونوں رہنماؤں کی ملاقات 12 نومبر کو پٹنہ میں بی جے پی کے سینئر رہنما آر کے سنہا کے تعزیتی پروگرام کے دوران ہوئی تھی، جہاں دونوں نے ایک دوسرے سے ہاتھ ملایا۔ ملاقات کی تصاویر سامنے آنے کے بعد سیاسی مفاہمت کے امکانات پر بحث شروع ہوگئی۔
اس پر ردعمل ظاہر کرتے ہوئے پرشانت کشور نے کہا کہ وزیراعلیٰ سمراٹ چودھری سے ملاقات کا مطلب یہ نہیں کہ وہ ساتویں جماعت میں فیل سے پی ایچ ڈی ہولڈر بن جائیں گے۔ انہوں نے مزید طنز کرتے ہوئے کہا کہ اگر وہ پہلے سمرت چودھری کو مجرم قرار دیتے رہے ہیں تو محض ملاقات کے بعد انہیں سنت یا رشی منی نہیں کہنے لگیں گے۔
پرشانت کشور نے واضح کیا کہ یہ ملاقات محض سماجی اور سیاسی آداب کا حصہ تھی۔ ان کے مطابق کسی سیاسی رہنما سے ملنا یا ہاتھ ملانا اس کے سیاسی نظریات کی حمایت نہیں ہے۔
انہوں نے کہا کہ ان کی لڑائی کسی فرد، ذات یا سیاسی جماعت کے خلاف نہیں بلکہ بہار کی بہتری اور نظام کی اصلاح کے لیے ہے۔
شائع شدہ: ہفتہ, 14 نومبر، 2026 | 7:44 PM IST