اوتھل: نیٹ فلکس سیریز ’منی ہائیسٹ‘ سے متاثر ہوکر ڈکیتی کا منصوبہ بنانے کا دعویٰ، تین ملزمان گرفتار
پاکستان کے صوبہ بلوچستان میں نیشنل بینک آف پاکستان کی شاخ سے تقریباً 20 کروڑ پاکستانی روپے کی ڈکیتی کے معاملے میں یونیورسٹی طلبہ کے ملوث ہونے کا انکشاف ہوا ہے۔ پولیس نے کارروائی کرتے ہوئے تین ملزمان کو گرفتار کرلیا، جبکہ دیگر ملزمان کی تلاش جاری ہے۔
میڈیا رپورٹس کے مطابق یہ واردات بلوچستان کے ضلع لسبیلہ کے علاقے اوتھل میں انجام دی گئی تھی۔ ملزمان نے مبینہ طور پر سکیورٹی اہلکاروں کا بھیس اختیار کرکے بینک میں داخل ہونے اور بڑی رقم لوٹنے کی منصوبہ بندی کی تھی۔
تحقیقات کے دوران پولیس کو شبہ ہوا کہ ملزمان مشہور نیٹ فلکس سیریز ’منی ہائیسٹ‘ سے متاثر تھے۔ اسی طرز پر ڈکیتی کا منصوبہ تیار کیا گیا تھا۔ پولیس نے ملزمان سے متعلق گاڑیاں، اسلحہ اور دیگر اشیاء بھی برآمد کرنے کا دعویٰ کیا ہے۔
پولیس کے مطابق واردات کے بعد لوٹی گئی رقم کو مختلف کاروبار اور اثاثوں میں لگانے کی کوشش کی گئی۔ معاملے کی مزید تحقیقات جاری ہیں اور دیگر ملزمان کی گرفتاری کے لیے چھاپے مارے جارہے ہیں۔
شائع شدہ: ہفتہ, 7 نومبر، 2026 | 11:38 PM IST