Siyasi Manzar
علاقائی خبریں

حافظ محمد ذوالقرنین کے تکمیل حفظ قرآن کے موقع پر دعائیہ نشست کا انعقاد۔

اسلام پور16،نومبر(پریس ریلیز )قرآن کریم کلام الٰہی وحی ربانی اورامت محمدیہ کے لئے کتاب ہدایت ہے ،جس کامحافظ گرچہ خود ربّ کریم ہے ،لیکن سبب ظاہری کے طورپر حضرت انسان کو اس کامکلف بنایا گیاہے۔یہی وجہ ہے کہ ہرسال مدارس اسلامیہ سے بے شمار طلبہ وطالبات تکمیل حفظ قرآن کرکے محافظین قرآن کریم کی فہرست میں اپنااندراج کراتےہیں ۔الحمدللہ تعالٰی امسال بھی مدرسہ دارالعلوم حسینیہ اسلا م پور سے عزیزم حافظ محمدذوالقرنین شاگرد استاد الاساتذہ جناب قاری عبد السلام صاحب مظاہری وفرزند ارجمند حضرت مولانا شعیب صادق صاحب قاسمی نے تکمیل حفظ قرآن کی سعادت حاصل کی ہے۔اس موقع پر موصوف کے والد محترم جناب مولانا شعیب صادق صاحب نےایک دعائیہ تقریب کا انعقاد کیا اور علاقہ کے لوگوں کو جوڑا ۔جس میں علمائے کرام وعمائدین دین کے پرمغز خطاب ہوئے۔خاص طور پر مولانا معروف کرخی صاحب ومولانا عاشق الہی صاحب کا پرمغزخطاب ہوا ۔پر تکلف دعوت کا بھی انتظام تھا ۔مہمانان کرام ومندوبین نے حافظ صاحب واہل خانہ کو مبارکباد دی اور دعاؤں سے نوازا ۔اس موقع پر حضرت مولانا سجاد عالم صاحب ومولانا عبد الوحید صاحب صاحب وقاری مظفر ادریس صاحب مولانا احمد صاحب قاری ابوہریرہ صاحب حافظ اکرم رحمان صاحب کی بھی خاص طور پر شرکت رہی اور حضرت مولانا افضل صاحب کی دعاپر پروگرام اختتام پذیر ہوا۔اس پروگرام کو مرتب کرنے اور صحیح ڈھنگ سے چلانے میں مولانا سجاد عالم قاسمی استاد مدرسہ دارالعلوم حسینیہ وقاری عبدالسلام صاحب کا بڑا کردار رہا۔

Related posts

بی جے پی میں اقلیتوں کا مفاد محفوظ: جمال صدیقی

Siyasi Manzar

ماتحتوں کی نگہبانی ہم سب کی ذمہ داری،ذرا سی غفلت نسل نو کو تباہ کر سکتی ہے: مولانا عبد الرؤف مکی

Siyasi Manzar

SDPI:اپوزیشن کے 141اراکین پارلیمان کو ایوان سے معطل کرنے کا مودی حکومت کا اقدام آمرانہ اور جمہوریت کا قتل ہے۔ عبدالمجید

Siyasi Manzar

Leave a Comment