Siyasi Manzar
قومی خبریں

سہارا گروپ کے بانی سبرت رائے کا ممبئی میں انتقال، 75 سال کی عمر میں لی آخری سانس Sahara Group Founder Subrata RoyGroup Founder Subrat Roy

سبرت رائے سہارا کی پیدائش 10 جون 1948 کو ہوئی تھی۔ وہ ہندوستان کے مشہور بزنس مین اور سہارا انڈیا پریوار کے بانی تھے۔

سہارا گروپ کے بانی سبرت رائے کا منگل کی رات 10.30 بجے کو انتقال ہوگیا۔ وہ 75 سال کے تھے۔ سبرت رائے کا لمبے وقت سے ممبئی کے ایک پرائیویٹ اسپتال میں علاج چل رہا تھا۔

سبرت رائے کی پیدائش 10 جون 1948 کو ہوئی تھی۔ وہ ہندوستان کے اہم بزنس مین اور سہارا انڈیا پریوار کے بانی تھے۔ انہیں پورے ملک میں ”سہارا شری“ کے نام سے بھی جانا جاتا تھا۔ ان کے انتقال پر سماجوادی پارٹی نے رنج وغم کا اظہارکیا ہے۔ بدھ کو ان کی جسد خاکی کوسہارا شہر لکھنؤ لایا جائے گا، جہاں انہیں خراج عقیدت پیش کیا جائے گا۔

سبرت رائے کی موت پر سہارا گروپ نے ایک بیان جاری کرتے ہوئے کہا کہ سہارا انڈیا پریوار کے سربراہ سبرت رائے سہارا کا منگل کی رات 10.30 بجے دل کا دورہ پڑنے سے انتقال ہوگیا۔ وہ ہائی بلڈ پریشر اور ذیابیطس جیسی بیماریوں میں مبتلا تھے۔ ان کی صحت مسلسل خراب ہو رہی تھی جس کی وجہ سے انہیں 12 نومبر کو کوکیلا بین دھیرو بھائی امبانی ہسپتال میں داخل کرایا گیا تھا۔ سہارا انڈیا خاندان سہارا شری کے انتقال سے غمزدہ ہے۔

سبرت رائے ضمانت پر باہر تھے۔
پٹنہ ہائی کورٹ میں سہارا انڈیا کے خلاف کئی سالوں سے لوگوں کے پیسے ادا نہ کرنے کا مقدمہ چل رہا ہے۔ لوگوں نے اس رقم کو کمپنی کی کئی اسکیموں میں لگایا تھا۔ لیکن بعد میں سہارا شری کو اس معاملے میں سپریم کورٹ سے بڑی راحت ملی۔ گزشتہ سال سپریم کورٹ نے پٹنہ ہائی کورٹ کے گرفتاری کے حکم پر فوری سماعت کرتے ہوئے روک لگا دی تھی۔ ساتھ ہی ان کے خلاف مزید کارروائی کے حوالے سے جمود برقرار رکھنے کے احکامات بھی دیے گئے۔

Related posts

Assembly Election Results 2023 Live: تین ریاستوں میں بی جے پی کی شاندار کامیابی، تلنگانہ میں کانگریس

Siyasi Manzar

مسلمان مبینہ سیکولر پارٹیوں کے ماضی و مستقبل کا مشاہد کر لیں : ڈاکٹر ایوب سرجن

Siyasi Manzar

حاجیوں کی خدمت ،ان کے لئے عمدہ انتظامات اورمعیاری سہولیات کی فراہمی ہمارے لئے باعث شرف ہے:امام کعبہ شیخ عبدالرحمن السدیس

Siyasi Manzar

Leave a Comment