ایران کلچرہاؤس نئی دہلی نے ہمدرد یونیورسٹی دہلی کے باہمی تعاون سے نمائش اورتصویری خطاطی کی ورکشاپ کا انعقاد کیا

نئی دہلی،16نومبر (پریس ریلیز)ایران کلچر ہاؤس نئی دہلی ایران نے انجمن خطاطان هند، سنٹرل لائبریری اور ہمدرد یونیورسٹی دہلی کے شعبہ اسلامک اسٹڈیز و مرکزی کتابخانی کے تعاون سےبتاریخ 14 نومبر 2024خطاطی، اور فوٹو گرافی پر ایک نمائش اور تعلیمی ورکشاپ کا انعقاد کیاجس کا یونیورسٹی کے طلباء اور پروفیسرز نے پرجوش استقبال کیا۔ ہمدرد یونیورسٹی کے لائبریرین ڈاکٹر اختر پرویز نے ہندوستان میں اسلامی ایران کے ثقافتی مشیر ڈاکٹر فریدالدین فریدعصر اور اسلامی جمہوریہ سے آئے ہوئے مہمانوں کا یونیورسٹی کے پروفیسرز، عملہ اور طلباء نے پرتپاک استقبال کیا۔ ہمدرد یونیورسٹی کے ڈاکٹر سید محمد فضل الرحمن نے ڈیجیٹل دور میں فن خطاطی پر لیکچر دیا، اس کے بعد شعبہ اسلامیات کے فیکلٹی ممبر ڈاکٹر محمد احمد نعیمی نے اسلامی خطاطی کی بنیادی باتوں پر تبصرہ کیا۔تقریب کے مہمان خصوصی اسلامی جمہوریہ ایران کے ثقافتی مشیر ڈاکٹر فرید الدین فریدعصرنے ایران کلچر هاوس اور ہمدرد یونیورسٹی کے درمیان مضبوط اور مسلسل شراکت داری کے بارے میں تفصیل سے بات کی۔ انہوں نے دو معروف خطاطوں، ڈاکٹر وثوق زادہ اور محترہ محبوبہ حسنی پناہ کے ساتھ ساتھ ایک فوٹوگرافر محترمہ فرزانہ بی آزاران کو متعارف کرایا جو اس پروگرام میں شرکت کے لیے ایران سے آئی تھیں۔جبکہ فنکاروں نے براہ راست خطاطی کا مظاہرہ کرتے ہوئے اور فن کی خوبصورتی اور نفاست کو اجاگر کرنے والے فن پارے تخلیق کر کے طلباء کو محظوظ کیا۔ خطاطی کی نمائش کے علاوہ، محترمہ فرزانہ بی آزاران کی تصویری نمائش کو دیکھا گیا اور طلباء نے ان کی ایرانی بشریاتی تصاویر کی خوبصورتی اور گہرائی کو سراہا۔اس تقریب کو ہمدرد یونیورسٹی اور ایران کلچر هاوس کے درمیان مستقبل کے تعاون کے لیے ایک پلیٹ فارم کے طور پر پیش کیا گیا، جس کا مقصد ثقافتی اور تعلیمی تبادلوں کو مضبوط بنانا ہے جس سے یونیورسٹی کے طلباء کو فائدہ پہنچے اور اسلامی فنون کی قدر کو مزید فروغ ملے۔