Siyasi Manzar
Top News راجدھانی

کانگریس نے منوج تیواری کے خلاف چونکا دینے والےنام کا اعلان کیا

نئی دہلی، کانگریس نے لوک سبھا انتخابات 2024 کے لئے 10 سیٹوں پر اپنے امیدواروں کا اعلان کیا ہے۔ کانگریس امیدواروں کی یہ 13ویں فہرست ہے۔ اس فہرست میں کانگریس نے دہلی کی تین لوک سبھا سیٹوں کے لیے اپنے امیدواروں کا اعلان کیا ہے۔ کانگریس نے چونکا دینے والے نام کا اعلان کیا ہے۔ منوج تیواری کے خلاف کانگریس نے کنہیا کمار کو امیدوار بنایا ہے۔
کانگریس نے دہلی کی چاندنی چوک لوک سبھا سیٹ سے جے پی اگروال، شمال مشرقی دہلی سے کنہیا کمار اور شمال مغربی دہلی سے ادت راج کو امیدوار بنایا ہے۔
پنجاب کی 6 نشستوں کے لیے امیدواروں کا اعلان
اس کے ساتھ ہی کانگریس نے پنجاب کی 6 سیٹوں پر امیدواروں کا اعلان کیا ہے۔ امرتسر سے گرجیت سنگھ اوجلا، جالندھر سے چرن جیت سنگھ چنی، فتح گڑھ صاحب سے امر سنگھ، بھٹنڈا سے جیت موہندر سنگھ سدھو اور سنگرور سے سکھ پال سنگھ کھیرا کو میدان میں اتارا گیا ہے۔ کانگریس نے پٹیالہ سے ڈاکٹر دھرم ویر گاندھی کو ٹکٹ دیا ہے۔
اس کے ساتھ ہی اتر پردیش کی لوک سبھا سیٹ الہ آباد سے بھی امیدوار کا اعلان کیا گیا ہے۔ کانگریس نے اس تاریخی سیٹ سے روشن ریوتی رمن سنگھ کو اپنا امیدوار بنایا ہے۔ اجول رمن سنگھ سماج وادی پارٹی کے رہنما کنور ریوتی رمن سنگھ کے بیٹے ہیں۔ اجول رمن سنگھ سال 2004 اور 2017 میں ایس پی کے ٹکٹ پر الیکشن جیت کر ایم ایل اے بنے ہیں۔ اجول سنگھ کے والد کنور ریوتی رمن سنگھ اب بھی سماج وادی پارٹی میں ہیں۔

Related posts

North Western Railway:شمالی مغربی ریلوے کو سیکورٹی شیلڈ اور گووند ولبھ پنت شیلڈ سے نوازا گیا

Siyasi Manzar

ڈاکٹر وجیندر کمار کے ہاتھوں تیاگ راج اسٹیڈیم میں’’ دویا اتسو‘‘ کا افتتاح

Siyasi Manzar

نہیں ہوسکے گی بیلٹ پیپر سے ووٹنگ

Siyasi Manzar