ندوی علوم حدیث کے وفد نے رضا لائبریری کا دورہ کیا

لکھنؤ27نومبر(پریس ریلیز)ندوے کی فیکلٹی آف اختصاص برائے علوم حدیث کاوفد شعبہ حدیث کے اسکالرس جن کی تعداد 15 ہے۔ شعبے کے نگراں ڈاکٹر ابو سحبان روح القدس ندوی کی سرپرستی میں رضا لائبری رامپور پہنچا۔ لائبریری کے ذمہ داروں نے اس وفد کا بھرپور استقبال کیا اور نادر مخطوطات کو دکھانے میں کوئی کمی نہیں کی اور اس وفد کے کیٹلاگ کی مدد سے جن جن نوادرات کو دیکھنا چاہا لائبریری کے کیٹلاگر جناب اصباح خان نے اپنے اسٹاف کی مدد سے فراہم کرایا اور لائبریری کے عظیم الشان تاریخی میوزیم کی سیر بھی کرائی۔
مذکورہ وفد کی آمد پر ایک ورکشاپ کا انعقاد کیا گیا۔ جس کا عنوان یہ تھا ’’امپوٹنٹس آف مینواسکرپسٹس اینڈاٹس کنورزیشن‘‘اس موضوع کے تحت قدیم مخطوطات کی صیانت، گرد و غبار اور دیگر مضر اثرات سے اس کی صفائی اور تجلید و شکستہ اوراق کی مرمت کے طریقے کار کو اس شعبے کے ماہرین نے عملی طور پر واضح کیا۔ یہ ورکشاپ نہایت معلومات افزا اور مفید تھا۔ لہٰذا ایسے ورکشاپ کا انعقاد قلمی سرمایہ کی حفاظت کیلئے بے حد ضروری ہے۔