’’صوفی سمواد‘‘ میگھا مہم بی جے پی دہلی کے ریاستی دفتر میں پروگرام کا انعقاد دفتر ’’نریندر مودی زندہ باد‘‘ کے نعروں سے گونج اٹھا
دہلی03دسمبر(پریس ریلیز) پی ایم نریندر مودی کی ہدایات کے مطابق بی جے پی اقلیتی مورچہ کے قومی صدر جمال صدیقی کی قیادت میں ملک بھر میں ‘صوفی سمواد’ میگھا مہم چلائی جا رہی ہے۔ اس مہم کے تحت ‘صوفی سمواد’ میگھا مہم پروگرام کا انعقاد کیا گیا۔ دہلی اسٹیٹ آفس میں منعقدہ پروگرام میں مہمان خصوصی بی جے پی اقلیتی مورچہ کے قومی صدر جمال صدیقی نے صوفی علماء سے مکالمے کے ذریعے اپنے خیالات پیش کیے اور ان کی باتیں سنی۔صوفی سمواد مہا ابھیان پروگرام میں بڑی تعداد میں صوفی علما نے شرکت کی۔ ’’مدرے وطن ہندوستان زندہ باد‘‘ کے نعرے لگائے اور بی جے پی کا دفتر ’’نریندر مودی زندہ باد‘‘ کے نعروں سے گونج اٹھا۔
اس موقع پر قومی صدر جمال صدیقی نے کہا کہ وزیر اعظم نریندر مودی کی کال پر ہم ملک بھر میں ’’صوفی سمواد‘‘ میگھا مہم چلا رہے ہیں اور ہمیں خوشی ہے کہ صوفی برادری اس مہم کا کھلے دل سے خیر مقدم کر رہی ہے۔ اقلیتی مورچہ کی اس عظیم مہم کے ذریعے ہم درگاہوں کے مسائل کی آواز حکومت تک پہنچا رہے ہیں۔ ہم سب کو مل کر ہندوستان کو مضبوط کرنا ہے۔ انہوں نے کہا کہ بی جے پی سب کو ایک پلیٹ فارم پر لے جاتی ہے۔ آج تک کسی حکومت نے صوفیوں کی فکر نہیں کی۔ صوفیاء کو ایک پلیٹ فارم پر لانا اور ان کی حفاظت کرنا بی جے پی کا عزم ہے۔ وزیر اعظم نریندر مودی کو ہمیشہ صوفی نظریات سے خاص لگاؤ رہا ہے۔ وزیر اعظم کا خیال ہے کہ تصوف ایک روشنی کی مانند ہے، جو تشدد سے خوفزدہ دنیا کو روشنی دکھا سکتا ہے۔ اسلام امن کا مذہب ہے اور تصوف اس کی روح ہے۔ آنے والے دنوں میں لوک سبھا انتخابات سے قبل پارٹی کا اقلیتی مورچہ ملک کی تمام درگاہوں اور خانقاہوں کا دورہ کرے گا اور رابطہ قائم کرے گا۔
اس موقع پر صوفی سمواد مہا ابھیان کے نیشنل کوآرڈینیٹر ڈاکٹر اسلم، عاطف رشید، عرفان سلمانی اور مختلف درگاہوں کے سجادہ نشین اور صوفی علمائے کرام موجود تھے۔ اس کی صدارت بی جے پی اقلیتی مورچہ کے دہلی ریاستی صدر انیس عباسی نے کی۔
