شاہدرہ ڈسٹرکٹ پولیس کی جانب سے جگت پوری تھانے کے احاطے میں میگا ہیلتھ کیمپ کا انعقاد
نئی دہلی،22؍ فروری (نمائندہ)دہلی پولیس ہفتہ کے تحت شاہدرہ ضلع پولیس کی جانب سے جگت پوری پولیس اسٹیشن کے احاطے میں چلنے والی پولیس پبلک ڈسپنسری میں ایک مفت میگا ہیلتھ چیک اپ کیمپ کا انعقاد کیا گیا۔کیمپ کا افتتاح اسسٹنٹ پولیس کمشنر جگدیش پرساد نے کیا اور اس موقع پر تریپورہ رائفل فورس کے D.S.P.R.C.سیموال، جگت پوری تھانے کے S.H.O- ابھیشیک کمار سنگھ، انسپکٹر جتیندر کمار یادو، پولیس پبلک ڈسپنسری کے چیئرمین رشی شاہ، وائس چیئرمین راجیو شرما، فیس گروپ چیئرمین ڈاکٹر مشتاق انصاری وغیرہ بنیادی طور پر موجود تھے۔ اس ہیلتھ کیمپ میں میٹرو ہسپتال اور آئی ہسپتال شارپ سائٹ کے ڈاکٹروں کی ٹیم کے ساتھ دیگر ڈاکٹروں میں ڈاکٹر حسیب الرحمن، ڈاکٹر قمر الحق، ڈاکٹر خالدہ، ڈاکٹر افشاں تبسم، ڈاکٹر انظار، ڈاکٹر ریحانہ، ڈاکٹر فخرالدین، ڈاکٹر ہمانشی اروڑہ، ڈاکٹر محمد عمران، ویلنس کوچ رجنی بالا وغیرہ نے اپنی خدمات پیش کیں۔ اس موقع پر روہت پنوار، مکیش پرساد، سریندر ناگپال، راجندر اروڑہ، راجیش گیہرا،ہما خان ممتاز علی چشتی، دیپک کپور، راکیش ملہوترا کرن سنھ مہرا محمد الیاس سیفی وغیرہ جیسے معززین بھی موجود تھے۔ اس موقع پر اے سی پی جگدیش پرساد نے کہا کہ اس کیمپ کا بنیادی مقصد یہ ہے کہ لوگ اپنی صحت سے آگاہ ہو کر صحت کے فوائد حاصل کر سکیں اور پولیس اور عوام کے درمیان فاصلے کو کم کیا جا سکے۔ رشی شاہ نے معلومات دیتے ہوئے کہا کہ ہم وقتاً فوقتاً ہیلتھ کیمپس کا انعقاد کرتے ہیں تاکہ ضرورت مند اور غریب مریض صحت کے فوائد حاصل کر سکیں۔ راجیو شرما نے کہا کہ محکمہ پولیس عوام کی خدمت کا کام کرتا ہے، محکمہ پولیس کی جانب سے پولیس ویک کے دوران سماجی سرگرمیاں کی جاتی ہیں تاکہ پولیس اور عوام کے درمیان فاصلے کو کم کرکے جرائم کو کم کیا جاسکے۔اس موقع پر FACE گروپ کے چیئرمین ڈاکٹر مشتاق انصاری نے اپنے بیان میں کہا کہ موجودہ ماحول میں لوگ مصروفیت کی وجہ سے اپنی صحت پر صحیح توجہ نہیں دے پاتے، ایسے میں ایسے کیمپوں سے بہت فائدہ ہوتا ہے۔ عوام تک پہنچنا اور ان کی صحت کو بہتر بنانا۔عوام میں شعور بھی بڑھتا ہے۔
