یہ مفلسی مٹادے نیا سال دوستو
تم کو غنی بنائے نیا سال دوستو
تب دل لگے مناتے ہوئے جشنِ سالِ نو
کچھ گل نئے کھلائے نیا سال دوستو
سب کچھ وہی پرانا پرانا سا دیکھ کر
کیسے کوئی منائے نیال سال دوستو
آ جائے لطف بیتے برس کےجو کرب سے
ہم کو اُبار لائے نیا سال دوستو
خواہش ہے سب کی آنکھ کے اشکوں کو پونچھ کر
لب پر ہنسی سجائے نیا سال دوستو
دنیا میں کاش پیار محبت کے ہر طرف
منظر ہمیں دکھائے نیا سال دوستو
اللہ سے کرو یہ دعائیں کہ میرے بھی
شانے پہ چاند اگائے نیا سال دوستو
ہر ایک سکھ جہاں کا تمہارا بنے نصیب
یوں تم کو راس آئے نیا سال دوستو
…………………………………………………
ذکی طارق بارہ بنکوی
سعادتگنج، بارہ بنکی، یوپی، انڈیا
