Siyasi Manzar
علاقائی خبریں

ماہِ رمضان امت مسلمہ کے لئے ایک عظیم نعمت:بشیرنظامی

AILTگلوبل اکیڈمی میں ضیاء الروح رمضان پروگرام کا آغاز

عبدالکریم امجدی
کالی کٹ ،راجکوٹ، ماہ رمضان ایک بار پھر ہم پر سایہ فگن ہواہے ،اس ماہ میں ہر نیکی کا اجر کئی گنا زیادہ ہوجاتا ہے ۔یہ ایک عظیم تحفہ اور نعمت خداواندی ہے ۔مذکورہ خیالات کا اظہارسرپرست اعلیٰ AILT؍گلوبل اکیڈمی مولانا بشیر نظامی نے آج یہاں مرکز الثقافۃ السنیہ کے زیر انتظام راجکوٹ کےT AILگلوبل اکیڈمی میں منعقدہ ضیاء الروح رمضان پروگرام کے افتتاح کے موقع پر کیا۔انہوں نے کہاکہ یہ مہینہ صبر وتحمل اور مساوات کا درس دیتا ہے ۔ہمین کثرت عبادت اور ذکر واذکار ،تلاوت قرآن کا اہتمام کرنا چاہئے ۔ انہوں نے مسلمانوں سے اپیل کی ہے کہ اصحاب ثروت اور اہل خیر حضرات غریبوں اور مسکنیوں کا خاص خیال رکھیں ۔واضح رہے کہ AILTگلوبل اکیڈمی کے تحت پورے تیس دنوں کے لئے رمضان المبارک کے تئیں ضیاء الروح اسکیم کے تحت مخصوص پروگرامس منعقد کئے جاتے ہیں ۔ جن میں روحانی اجلاس،رمضان خطبات ،اجتماعی دعوت افطار ،بدر مولود،اجتماعی تلاوت قرآن ،جلسہ اعتکاف ،شب قدر پروگرامس قابل ذکر ہیں ۔لقمان ثقافی کے مطابق کیرالہ کی طرز پر رمضان کے پیغام کو گجرات سمیت پڑوسی ریاست تک پہونچانا ہے ،جس کے لئے مضبوط تعلیم اور مستحکم منصوبہ بندی کے ذریعہ لائحہ عمل کو بروئے کار لایا جارہا ہے ۔واضح رہے کہ مولانا بشیر نظامی کے زیر سرپرستی میں گجرات کے مختلف نواحی علاقوں میں دینی وعصری تعلیم کے کئی ادارے چل رہے ہیں ۔جہاں طلبہ دینی علوم وفنون کے ساتھ عصری اعلی تعلیم میں اپنی تعلیمی پیاس بجھا رہے ہیں ۔علاوہ ازیں سماجی تشکیل اور رفاہ عامہ کا کام بڑی تیزی سے جاری وساری ہے ۔ڈاکٹر عبدالحکیم ازہری کی قیادت میں کیرالہ ماڈل ایجوکیشن کو گجرات ودیگر نواحی ریاستوں حسن خوبی کے ساتھ انجام دیا جارہا ہے ۔افتتاحی اجلاس میں مولانا عبدالکریم ثقافی ،پرنسپل شیخ اکرم صاحب سمیت دیگر اراکین واسٹاف شریک رہے ۔

Related posts

مودی حکومت اپنی اسکیموں کو نافذ کرنے میں امتیازی سلوک نہیں کرتی: جمال صدیقی

Siyasi Manzar

Jamia Salafia :جامعہ سلفیہ بنارس میں 75 واں جشن یوم جمہوریہ بڑے جوش و خروش سے منایاگیا

Siyasi Manzar

جویا روڈ پر ہوے ایک سڑک حادثے میں سابق ڈگری کالج کے پرنسپل اور ایک بائیک سوار کی موت

Siyasi Manzar

Leave a Comment