ڈاکٹر عبد الغنی القوفی
استاد جامعہ سراج العلوم السلفیہ جھنڈا نگر نیپال وصدر عمومی راشٹریہ مدرسہ سنگھ نیپال
الحمد للہ، سعودی عرب کے یومِ تاسیس کے پرمسرت موقع پر راشٹریہ مدرسہ سنگھ نیپال کے صدر عمومی ڈاکٹر عبد الغنی القوفی اور ناظم عمومی مولانا مشہود خاں نیپالی کی جانب سے خادم الحرمین الشریفین، ولی عہد محترم، حکومتِ سعودی عرب اور تمام اہلِ وطن کو دلی مبارکباد پیش کی جاتی ہے۔
یہ دن ہمیں اس عظیم مملکت کی تاریخی جدوجہد، اسلامی خدمات اور عالمی سطح پر اس کی مثالی قیادت کی یاد دلاتا ہے۔ سعودی عرب ہمیشہ سے امتِ مسلمہ کی دینی، تعلیمی اور فلاحی راہنمائی میں پیش پیش رہا ہے۔
حجاج و معتمرین کی بے مثال خدمات:
سعودی عرب کی حکومت ہر سال لاکھوں حجاج اور معتمرین کے لیے اعلیٰ ترین سہولیات فراہم کرتی ہے، جدید ترین انفراسٹرکچر، بہترین انتظامات اور ہر ممکن سہولتوں کے ذریعے زائرینِ حرم کو راحت پہنچانے میں کوئی کسر نہیں چھوڑتی۔
توسیع حرمین شریفین و مشاعر مقدسہ:
مملکت نے حرم مکی اور مسجد نبوی کی تاریخی توسیع کے ذریعے لاکھوں زائرین کے لیے بہترین سہولیات فراہم کی ہیں۔ اسی طرح منیٰ، عرفات، مزدلفہ اور دیگر مقدس مقامات پر سہولتوں کی بہتری کے لیے بے پناہ خدمات انجام دی جا رہی ہیں۔
قرآن کریم کی عالمی پیمانے پر نشر واشاعت:
سعودی عرب کنگ فہد قرآن کریم پرنٹنگ کمپلیکس کے ذریعے قرآن کریم کی وسیع پیمانے پر نشر واشاعت اور عالمی سطح پر اس کی مفت تقسیم کا فریضہ انجام دے رہا ہے۔ لاکھوں کی تعداد میں قرآن کریم مختلف زبانوں میں ترجمے کے ساتھ دنیا بھر میں پہنچایا جا رہا ہے۔
ایک مثالی فلاحی ریاست:
سعودی عرب نے تعلیم، صحت، سماجی بہبود اور اقتصادی ترقی میں بے مثال کامیابیاں حاصل کی ہیں۔ جدید سہولیات، انسانی خدمت اور عالمی فلاحی منصوبے اسے ایک عظیم اسلامی اور رفاہی ریاست کے طور پر ممتاز کرتے ہیں۔
ہم دعا گو ہیں کہ اللہ تعالیٰ مملکتِ سعودی عرب کو مزید ترقی، استحکام اور عزت سے نوازے، اسے ہمیشہ اسلامی دنیا کے لیے روشنی کا مینار بنائے اور حرمین شریفین کی خدمات میں مزید برکت عطا فرمائے۔
