ممبئی میں اقلیتی مورچہ کے کرسچن "سنیہ سمواد” پروگرام کا انعقاد
ممبئی: بی جے پی آفس ممبئی میں کرسچن سمواد کے انچارج مسٹر راہل بجاج کی قیادت میں عیسائی "سنیہ سمواد” کا انعقاد کیا گیا۔ پروگرام کے مہمان خصوصی جمال صدیقی نے عیسائی برادری کے لوگوں کے ساتھ "سنیہ سمواد” کا انعقاد کیا۔ جمال صدیقی نے کہا کہ وزیر اعظم نے یہ پیغام دیا ہے کہ 25 دسمبر کو بی جے پی کا ہر لیڈر چرچ جائے گا اور کرسمس منائے گا۔ آج اسی کڑی کو آگے بڑھاتے ہوئے مہاراشٹر کے شہر ممبئی کی مسیحی برادری کے لوگوں کے درمیان محبت بھرے مکالمے کا انعقاد کیا جا رہا ہے، اس موقع پر "صوفی سمواد” مہا ابھیان کے قومی انچارج ڈاکٹر اسلم، ریاستی صدر ادریس ملتانی ، شریک انچارج عابد علی چوہدری وغیرہ موجود رہیں۔
اس موقع پر اقلیتی مورچہ کے قومی صدر جمال صدیقی نے میڈیا کو بتایا کہ وزیراعظم کی خصوصی خواہش کے ساتھ بی جے پی اقلیتی مورچہ کی جانب سے ’’صوفی سمواد‘‘ میگا مہم چلائی جارہی ہے۔ جس کا بنیادی مقصد ملک کے تمام خانقاہوں، درگاہوں، گرجا گھروں اور گرودواروں میں جانا اور وہاں موجود لوگوں سے رابطہ قائم کرنا اور اس بات کو یقینی بنانا ہے کہ مرکزی اور ریاستی حکومت کی اسکیموں کا فائدہ آخری فرد تک پہنچے۔ اقلیتوں کے مفادات صرف بی جے پی حکومت میں محفوظ ہیں۔ بی جے پی حکومت نے صوفیوں اور سنتوں کو عزت دینے کا کام کیا ہے۔ بی جے پی کی فلاحی اسکیموں سے ہر طبقہ مستفید ہوا ہے۔
