Siyasi Manzar
قومی خبریں

اننت امبانی کی شادی سے پہلے کی تقربات کا ’انّ سیوا‘‘کے ساتھ آغاز

 51 ہزار  مقامی  باشندوںکو  پروسا جائے گا  کھانا

جام نگر، 29 فروری۔ 2024 ۔امبانی خاندان کے سب سے چھوٹے بیٹے اور صنعت کار اننت امبانی اور رادھیکا مرچنٹ کی شادی سے پہلے کی تقریب انّ سیوا کے ساتھ شروع ہوئی۔ جام نگر میں ریلائنس ٹاؤن شپ کے قریب جوگواڑ گاؤں میں، مکیش امبانی، اننت امبانی اور امبانی خاندان کے دیگر افراد بشمول رادھیکا مرچنٹ نے گاؤں والوں کو روایتی گجراتی کھانا پیش کیا۔ رادھیکا کی نانی اور والدین ویرین اور شیلا مرچنٹ نے بھی انّ سیوا میں حصہ لیا۔ تقریباً 51 ہزار مقامی باشندوں کو کھانا فراہم کیا جائے گا۔ جو آئندہ چند روز تک جاری رہے گا۔

امبانی خاندان نے اننت امبانی اور رادھیکا مرچنٹ کی شادی سے پہلے کی تقریبات کے لیے مقامی برادری سے آشیرواد حاصل کرنے کے لیے ان ّسیوا کا اہتمام کیا ہے۔ کھانے کے بعد حاضرین نے روایتی لوک موسیقی سے لطف اندوز ہوئے۔ مشہور گجراتی گلوکار کیرتیدن گڈھوی نے اپنی گائیکی سے شو کو دھوم مچا دیا۔

امبانی خاندان میں کھانا پیش کرنے کی روایت پرانی ہے۔ امبانی خاندان اچھے خاندانی مواقع پر کھانا پیش کرتا رہا ہے۔ یہاں تک کہ جب ملک کورونا وبا کے دوران بحران کا شکار تھا، ریلائنس فاؤنڈیشن نے اننت امبانی کی والدہ نیتا امبانی کی قیادت میں دنیا کا سب سے بڑا کھانا تقسیم کرنے کا پروگرام چلایا۔ خاندانی روایت کو آگے بڑھاتے ہوئے، اننت امبانی نے انّ سیوا کے ساتھ اپنی شادی سے پہلے کی تقریب شروع کی ہے۔

Related posts

عربی مدرسے اور سنسکرت ادارے ایجوکیشن کوڈ کے ایک ہی باب اورینٹل لینگویج ادارے کے طور پر گرانٹ حاصل کر رہے ہیں تو سوال صرف مدرسوں پر ہی کیوں ؟دیوان صاحب زماں

Siyasi Manzar

H9N2 Update: چین میں تیزی سے پھیلنے والی پراسرار بیماری سے متعلق ملک میں الرٹ، وزارت صحت نے بتا دی یہ اہم بات

Siyasi Manzar

نیوہورائزن اسکول پرنسپل محترمہ سمیرا خان کو عمدہ کارکردگی کے لیے بین الاقوامی اعزاز

Siyasi Manzar

Leave a Comment