الفلاح فاؤنڈیشن (بلڈ ڈونیٹ گروپ) نے بچائ مریضوں کی جان
آعظم گڑھ،15جنوری (نامہ نگار) 627 مریضوں کو ہزاروں یونٹس خون مہیا کرانے والی تنظیم الفلاح فاؤنڈیشن (بلڈ ڈونیٹ گروپ) ایک بار پھر متعدد مریضوں کیلئے رحمت بن کر سامنے آئ ہے۔تنظیم کے فعال رکن حافظ وامق شیرازی کی کوششوں سے ضلع جونپور کے موضع ہڑئ کے وسیم کے والد کو مفت خون ملا۔وسیم کے والد کیلئے سماجی کارکن عادل نے جونپور کے ایک بلڈ بینک میں خون عطیہ کیا۔وہیں الفلاح فاؤنڈیشن رکن اور سیکڑوں مریضوں کی جان بچانے والے شاہ گنج باشندہ اسمعیل شیخ کی کوششوں سے الفلاح فائونڈیشن کےصابر ماہلی کے ایک رشتہ دار کیلئے عبید شیخ نے مفت خون عطیہ کیا۔عبید 2008 سے لگاتار خون عطیہ کر رہے ہیں۔اس کے علاوہ الفلاح فاؤنڈیشن رکن اور چاند پٹی باشندہ ارقم شیخ نے بھی ایک مریض کیلئے خون عطیہ کیا۔واضح رہے کہ الفلاح فاؤنڈیشن فروری ماہ سے ملک گیر پیمانے پر خون عطیہ بیداری مہم چلانے جا رہی ہے۔اس بات کی اطلاع دیتے ہوئے الفلاح فاؤنڈیشن کے میڈیا انچارج معراج خان نے بتایا کہ خون عطیہ کیلئے ملک کے تمام باشندوں کو بیدار کرنے کیلئے الفلاح فاؤنڈیشن نے کمر کس لی ہے۔انہوں نے عوام سے الفلاح فاؤنڈیشن کی خون عطیہ بیداری مہم سے جڑنے کی اپیل کی۔
